Blom Fiskeoppdrett vil flytta oppdrettsanlegg

Kommunen sa først ja til utviding av anlegget i Laksevika, men måtte oppheva vedtaket, som var ein dispensasjon frå gjeldande kommuneplan, meldar Strilen. Forsvaret protesterte og viste til at anlegget ligg i ei strengt lovregulert militær forbodssone i sjø.

Dagleg leiar Øyvind Blom, fortel til Kyst.no, at dei ynskjer å flytte anlegget på Laksevika grunna lokaliteten kjem i vegen for forsvaret sine anlegg.

- Den gjeldande lokaliteten har to MTB`ar, ein konsesjonsavtale på 1560 tonn, forklarer han. 

Produksjonen på Laksevika som Blom ynskjer å flytte produserar laks og aure.

Administrasjonen i Meland kjenner ikkje til særskilte negative erfaringar med drifta av anlegget slik det er plassert i Laksevika, anna en konflikten med Forsvaret. Dei ser heller ikkje vesentlege negative konsekvensar ved å flytta anlegget til Holme, fortel dei til Strilen.

Administrasjonen meinar den aktuelle plasseringa som er utanfor Børegavlen, sikrar nok avstand til det kulturhistoriske miljøet på Holmeknappen.

Fristen for å koma med merknader er 12. august.

- Kommunen er den som avgjer kva som skjer vidare, men me ynskjer sjølvsagt å ha ein god dialog med kommunen når det gjeld Holmeknappen, og eventuelle bekymringar frå publikum, seier Øyvind Blom.

• Blom Fiskeoppdrett AS har 7 ordinære matfiskkonsesjoner for laks og aure på 780 tonn MTB, samt 1 visningskonsesjon på 500 tonn MTB.
• Selskapet driv og smoltproduksjon på Askøy gjennom dotterselskaet Strmsnes Akvakultur AS.
• Hovedkontor og base for aktivitetane våre er i Blomvåg i Øyjorden Kommune.
• Her har Blom dreve oppdrettsaktivitet sidan 1971. Blom har også avdelingar på Strømsnes i Askøy, Meland, Marøy på Radøy og Hodnelia på Lindås.