Bør fokusere på virusvaksiner

Kari Johanna Tveit Norsk oppdrettsnæring har utvikla seg rakst og grundig forskingsinnsats har vore avgjerande for å komme dit næringa er i dag. Men virussjukdomar medfører enno store kostnadar for næringsaktørane. -Vi manglar gode vaksinar mot dei fleste virussjukdomar, seier Nikolaisen til Norsk Fiskeoppdrett/kyst.no. Enklare med bakteriar Når det gjeld bakteriesjukdomar viser Nikolaisen til at vi har vi gode og verknadsfulle vaksiner, i alle fall på laks. Utfordringa her er litt større for torskenæringa, men dette trur han vil løyse seg ganske fort. Det er lettare å utvikle vaksinar mot bakteriesjukdomar som fransicelose. Samordning av ressursar Statistikken over antibiotikaforbruk kan synast å vise at utviklinga i norsk oppdrettsnæring går veldig bra, men i fylgje Nikolaisen fortel ikkje dette heile sannheita. Han meinar fokuset må rettast mot hovudutfordringane i næringa, og at fleire miljø bør samordne innsatsen sin for å løyse problema. Mykje av kostnadane med utvikling av nye vaksiner vert i dag lagt over på vaksineprodusentane, men aktørane i næringa burde kanskje delteke i større grad i denne delen av prosessen. -Oppdrettarane betalar når dei skal kjøpe vaksinen, men det kan vere meir føremålsteneleg om dei store aktørane samordnar ressursane sine i prosjekt der også forskarar frå fleire ulike miljø deltek i arbeidet med å løyse konkrete problemstillingar. Dette kunne fått fortgang i prosessen, seier Nikolaisen. Han legg til at ein felles innsats kanskje også kunne vere med å hindre at patentrettar fungerar som ein propp i systemet.