Ny sals- og marknadssjef i Østerbø Maskin AS

Østerbø skal fremover levere litande løysingar til endå fleire enn i dag, skriv Østerbø Maskin i ei pressemelding.

- Østerbø har positiv utvikling og tilsettinga av Jan Erik Søreide i denne nøkkelrolla er eit ledd i satsinga for å nå målsettingane våre, uttrykkjer dagleg leiar Steinar Holen, i pressemeldinga.

Notvaskarar, strømaggregat og litande løysingar

- Grunna auka aktivitet treng vi betre kapasiteten vår på sal og oppfølging av kundar, seier Holen.

Så vi er glade for at Jan Erik Søreide starta som sals- og marknadssjef denne veka.

Motivert og klar til innsats

Jan Erik er oppvaksen på Søreide like ved Østerbø, utdanna ingeniør og vender no nasen heim etter fleire år med arbeid i oljebransjen i Bergen.

- Det er dette som har vore målet, seier han, - vere med på laget til ei slik spennande bedrift her heime. Det har vore interessant å følgje Østerbø frå utsida mens eg har budd vekke, mykje godt arbeid er gjort over mange år her. Dette kan vi no bygge vidare på for å bli ein endå større og tydlegare aktør i marknaden, seier ein motivert Søreide.

Aqua Nor

Jan Erik fekk elddåpen sin under Aqua Nor messa i Trondheim i midten av august der han var med på Østerbø sin stand.

– Det var gledeleg å sjå den store interessa og pågangen som var på standen til ei relativt lita bedrift frå ”der ingen skulle tru”, seier Jan Erik.

– Dette viser at løysingane og produkta til bedrifta er liv laga . Østerbø er eit spennande lag eg er glad for å no vere ein del av, avsluttar Søreide.