- Vi tar fiskehelse på alvor

Statt Torsk ønsker å vere transparent med informasjon som er relevant for torskeoppdrett.

- Vi er avhengige av å samarbeide med alle aktørar for å forme ei berekraftig framtid, skriv selskapet.

Som øvrige torskeoppdrettarar, har Statt Torsk fått pålegg frå Fiskeridirektoratet om gjennomføring av veterinærundersøking av oppdrettstorsken med kort innsendingsfrist.

- I lys av medieoppslag, og det generelle renomméet til torskeoppdrettsnæringa, har vi forståing for dette, og ynsker å bidra med kompetansen og erfaringane våre på best mogleg måte, skriv dei.

Selskapet påpeikar at torsken har ein veldig forskjellig anatomi ift. laks, mellom anna ei lukka symjeblære. Dette gjer det naudsynt å handtere fisken skånsamt og gradvis slik at innsamling og prøvetaking skjer på ein fiskevelferdsmessig forsvarleg måte. Raskt opptak kan gi sprengt symjeblære, akutt eller langvarig dødelegheit, difor vil slike undersøkingar krevje at innsamling av dokumentasjon må skje over lengre tid.

- Vi har i god stund før dette pålegget utvikla og iverksett ein protokoll som gir ein kvalitetssikker vurdering av modningsgrad (GSI-index) og har delt denne med interesserte selskap som ønsker å bruke same tilnærmingsmetode.

Denne protokollen skriv selskapet har blitt sterkt forma av råd frå fagekspertise ved Havforskningsinstituttet, HI og Nofima mtp. kvalitetsikring, samt utførast av personell med fiskehelsekompetanse (dvs. veterinær eller autorisert fiskehelsebiolog). Her undersøkast 20 fisk pr. fyrste og siste fiskegruppe kvar månad, ved kvar lokalitet frå sommar 2.året i sjø fram til utslakt – dvs. tot. 40 fisk pr. mnd.

- Resultatet av undersøkinga oppgiast som gonado-somatisk-index % (GSI%), der gonader er fellesbegrep på kjønnsorgana til fisken, og med somatisk meinast fiskens totale kropp – her målast altså vekta av kjønnsorgana (rogn; fiske-egg) opp mot den totale vekta til torsken og gir ein indikasjon på modningsgrad. Slakting iverksettast når GSI nærmar seg 10%. I forkant må fisken forsvarleg avlivast. Då det er kostbart å avlive mykje stor, fin, frisk fisk over tid, brukast også ultralydmaskin (sjå bilete over) for å vurdere gonadestatus – slik at ein over tid vil kunne sleppe å drepe fisken for å samle inn nøyaktig data.

Statt torsk vil elles nemna:

- Vi har ein rekkje frammoverlente prosjekter og samarbeid knytta til fiskehelse, særlig har vi oppnådd godt samarbeid med HI. Ei av desse prosjekta er å sende ca. 100 stk slakteklare fisk til Austevoll for at dei kan generere dokumentasjon om fisken går i modning og kan gi overleveingsdyktige avkom.

- Vi er sjølvsagt også positive til å delta i framtidige prosjekter der vi kan dele erfaring, kompetanse, eller evt. anlegg og fisk til disposisjon, samt å delta med innsamling av informasjon til å kartlegge torsken sin helse over tid.