Alsaker-konsernet med stabilt resultat
Alsaker-konsernet, som er konsernselskapet til Alsaker Fjordbruk, fekk eit resultat før skatt på kroner 517 millionar i 2021. Med ein omsetnad på over 2 milliardar gjer dette ein resultatmargin på 25,4 %.
Alsaker er eit vertikalintegrert oppdrettskonsern med produksjon av laks. Konsernet dreiv i 2021 fire smoltanlegg, 24 matfiskløyver, eit slakteri og eit havbrukssenter.
Produksjonen i konsernet skjer i 14 kommunar: Alver (Meland), Bjørnafjorden (Fusa), Bømlo, Etne, Kvam, Kvinnherad, Sveio og Tysnes i Hordaland, samt Haugesund (Røvær), Stavanger (Rennesøy), Sandnes, Suldal, Tysvær og Vindafjord i Rogaland.
I 2021 produserte konsernet nesten 37 000 tonn laks, mot 40 000 tonn året før.
Slaktevolumet var uendra samanlikna med året før.
253 ansatte
Ved utgangen av 2021 var det 253 fast tilsette i Alsaker-konsernet. Konsernet skriv dei har har godt kvalifiserte og motiverte personar i alle ledd i organisasjonen.
Bokført eigenkapital i konsernet var ved utgangen av året kr 1.806 millionar – noko som gir ein eigenkapitalandel på 58 prosent.
