Sven Jørgen Strømmen framfor hovudkvarteret til Fjord Miljø på Nordfjordeid, ikkje langt frå der faren starta lakseoppdrett meir enn 50 år tidlegare.

– Hadde eg visst det, skulle du faen ikkje fått betaling!

Kristen Strømmen var ein av pionerane i settefiskproduksjon og seinare lakseoppdrett. I denne sendinga av «Kystpodden» skal vi høyre meir om Kristen, fortalt av eldstesonen Sven Jørgen Strømmen.

KYSTPODDEN
Publisert Sist oppdatert

I eit intervju underteikna gjorde med Kristen Strømmen for Norsk Fiskeoppdrett i 1997, fortalde han om den første salgskontrakta for settefisk. Det var til sjølvaste Sivert Grøntvedt på Hitra, og kanskje den første – i alle fall den lengste – transporten av levande fisk på landevegen i Noreg. Turen tok 24 timar frå Bremanger til Hitra på standard bygdeveg anno 1974.

Men før dette var Sivert skipper på ringnotbåten «Ståltind», medan Kristen var bestmann (styrmann) på ringnotbåten «Hoddevik». Det hadde seg slik at «Hoddevik» sette ned nota for «Ståltind», noko som ikkje var heilt uvanlege uhell på feltet. I slike tilfelle var det plikt å melde frå, det vart også gjort. Men kven den “skuldige” var, fortalde Kristen til Sivert på eit seinare tidspunkt. Det var då Hitra-høvdingen braut ut: «Hadde eg visst det, skulle du faen ikkje fått betaling.» Kristen lo godt av denne historia og fortalde at dei to vart gode vener.

Strømmenrøret er eit av hovudprodukta til Fjord Miljø. – I kombinasjon med luseskjørt, er dette eit godt alternativ i kampen mot lakselusa, seier gründer Sven Jørgen Strømmen.

Ville leve av det

Sven Jørgen Strømmen fortel at då faren starta med laks, var det fordi han som 46-åring hadde bestemt seg for at han ville gå iland og avslutte fiskaryrket. Han hadde lagt seg opp litt pengar og alt vart brukt til å byggje settefiskanlegg.

– Han var tydeleg på at då han valde å skifte yrke, var det alvor og ikkje hobby, fortel Sven Jørgen. Han vaks opp med familiebedrifta rundt seg og fekk si første lønn som 11-åring.

– Det må vel kunne kallast barnearbeid, humrar han.

I denne sendinga av «Kystpodden» fortel Sven Jørgen meir frå oppveksten og utviklinga av K. Strømmen Lakseoppdrett. Han fortel og om livet som gründer og bedriftsutviklar etter at han selde seg ut av oppdrettsverksemda og etablerte Fjord Miljø blant fleire verksemder.

Høyr meir i «Kystpodden», laurdag 26. april 2025 kl. 10.00

kyst.no/kystpodden og Spotify

Kystpodden: Høyr meg – Sjå meg

Les mer om Kystpodden:

Kystpodden

Kystpodden

- Kystpodden har som mål å snakke med personer som har bidratt til å bygge opp laksenæringen til å bli en stor og viktig industri. Å lese historier blir aldri det samme som å høre tidsvitner fortelle med egne ord om sine opplevelser. Vi skal møte personer som har hatt ulike posisjoner og ståsted i laksenæringen.

Det er idemaker og podkast-vert Gustav Erik Blaalid som sier dette. Han er selv et tidsvitne med fartstid som næringslivsjournalist i Norsk Fiskeoppdrett siden januar 1990. Senere etablerte han blant annet Kyst.no som var på lufta allerede i 1997. Gustav Erik Blaalid er grunnlegger og eier av Oceanspace Media AS som teller 10 ulike medietitler i Norge, Danmark, Chile og Storbritannia.

aktuelt