Han søv ikkje bort sumarnatta den karen

Han vart legende i levande live – oppdrettspioneren, organisasjonsbyggjaren og bedriftsgrunnleggjaren Erling Osland. «Kystpodden» har møtt tredje generasjon Osland – Erik Osland som fortel om besten.

KYSTPODDEN
Publisert Sist oppdatert

Erling Osland blei i si samtid omtala som ein viljesterk og stridbar person. Han gjekk ikkje av vegen for ein krangel dersom det måtte til for at han skulle få det som han ville. Som oftast fekk han det, og ikkje utan grunn.

I eit jubileumsintervju i Norsk Fiskeoppdrett nr. 7/1984, i høve 70 års dagen til Erling, fortalde han om korleis det heile begynte på heimgarden Osland som låg strategisk plassert mellom den djupe Sognefjorden og høge fjell med mange vassfall. Her skreiv han historie då han alt på byrjinga av 1960-talet fekk klaff med produksjon av stor aure. 

I denne sendinga av «Kystpodden» freistar vi å gjenskape intervjuet ved å la Erling sine svar bli opplese.

Erik Osland er tredje generasjon som driv Osland Havbruk. Her viser han «bordkortet» som hedergjesten Erling fekk under 70-års middagen i 1984.

Framsynt mann

Meir enn nokon av oppdrettspionerane i Noreg var Erling Osland aktiv på fleire frontar. I oppdrettsverksemda utvikla han innhegningar til fisken, han samarbeidde med fiskeindustrien i Måløy der han fekk avskjer og ingrediensar til fôrkjøkenet. Han samarbeidde med NTH i Trondheim om utvikling av notimpregnering, og han heldt ei streng linje for å halde fisken isolert for på den måten å unngå smitte. Erling har uttalt at eit stort produksjonsvolum var gunstig slik at kostnadane per kilo vart redusert. Ikkje minst var han og tidleg ute og spådde at fiskeoppdrett kom til å bli mykje større enn landbruket. 

Organisasjonsmannen Erling er eit kapittel for seg. Han var med på å etablere lokale oppdrettarlag som seinare danna grunnlaget for etableringa av Norske Fiskeoppdretteres Forening. Han var aktiv med å få etablert Fiskeoppdretternes Salgslag, han har aktiv med å utvikle havbruksforskinga med etableringa av Matre Havbruksstasjon og han tok osgå ein kamp for at fagbladet Norsk Fiskeoppdrett skulle ha redaksjon i Bergen.

Høyr vår versjon av historia om Erling Osland – ei historie henta frå fagbladet sine spalter der redaktøren mellom anna var med på feiringa av pionerhøvdingen sin 70-års dag. Journalisten avslutta rapporten med at pioneren var ein av dei siste som forlèt festen:

«Han søv ikkje bort sumarnatta den karen», skreiv han.

Du får heile sendinga onsdag 16. april 2025 kl. 17.00 

kyst.no/kystpodden og Spotify

Kystpodden: Høyr meg – Sjå meg

Les mer om Kystpodden:

kystpodden

Kystpodden

- Kystpodden har som mål å snakke med personer som har bidratt til å bygge opp laksenæringen til å bli en stor og viktig industri. Å lese historier blir aldri det samme som å høre tidsvitner fortelle med egne ord om sine opplevelser. Vi skal møte personer som har hatt ulike posisjoner og ståsted i laksenæringen.

Det er idemaker og podkast-vert Gustav Erik Blaalid som sier dette. Han er selv et tidsvitne med fartstid som næringslivsjournalist i Norsk Fiskeoppdrett siden januar 1990. Senere etablerte han blant annet Kyst.no som var på lufta allerede i 1997. Gustav Erik Blaalid er grunnlegger og eier av Oceanspace Media AS som teller 10 ulike medietitler i Norge, Danmark, Chile og Storbritannia.

osland aktuelt kystpodden